१७ भदौ, चितवन । चितवनको नारायणगढ–मुग्लिन सडकखण्ड अन्तर्गत भरतपुर महानगरपालिका–२९ गाईघाटमा जिप र ट्रक ठोक्किँदा एक जनाको मृत्यु भएको छ ।
मृत्यु हुने जिप चालक धादिङ गजुरी गाउँपालिका- २ का ३० वर्षका शंकर सेढाईं रहेका प्रहरीले जनाएको छ ।
नारायणगढबाट मुग्लिनतर्फ जाँदै गरेको बा १९ च ७६७७ नम्बरको जिप र विपरीत दिशाबाट आइरहेको ग २ ख ४३१९ नम्बरको ट्रक बुधबार बिहान ठक्कर खाएका थिए ।
ठक्करबाट घाइते जिपचालकको उपचारका क्रममा पुरानो मेडिकल कलेजमा मृत्यु भएको हो । दुवै सवारी साधन र ट्रकका चालक प्रहरीको नियन्त्रणमा छन् ।
