३० भदौ, काठमाडौं । धरानस्थित वीपी कोइराला स्वास्थ्य विज्ञान प्रतिष्ठानमा उपचाररत एक जना कोरोना संक्रमितको मंगलबार मृत्यु भएको छ ।
सुनसरीको धरान-१७ का ७० वर्षीय वृद्धको मंगलबार दिउँसो २:२० बजे उपचारको क्रममा मृत्यु भएको प्रतिष्ठानका प्रवक्ता डा. निदेश सापकोटाले जानकारी दिए ।
ज्वरो, खोकी र श्वास प्रश्वासमामा समस्या देखिएपछ भदौ २७ गते उनलाई प्रतिष्ठानमा भर्ना गरिएकोमा भदौ २८ गते उनमा कोरोना संक्रमण पुष्टि भएको डा. सापकोटाले बताए । डा. सापकोटाका अनुसार उनी उच्च रक्तचापका बिरामी समेत थिए ।
