नेपाली चलचित्रका सफल नायक राजेश हमालले शनिबार ११३ जना प्राविधिकहरुलाई जनही ५ हजार रुपैयाँ सहयोग गरे । कोभिडका कारण उत्पन्न परिस्थितीले समस्यामा परेका प्राविधिकहरुलाई उनले सहयोग गरेका हुन् ।
राजेश हमालले ५ लाख ६५ हजार सहयोग गर्दा उनका नजिकका साथीहरुले यसमा सहयोग गरे । विशेषगरि, अमेरिकामा बस्ने उनका साथीहरुले यसमा सहयोग गरेका छन् ।
तर, नायक राजेश हमाललाई साढे ५ लाख सहयोग गर्दा पनि साथीहरुको सहयोग किन लिनुपर्यो भन्ने प्रश्न पनि उठेको छ । यो बिषयमा स्पष्ट पार्दै हमालले भने–‘हामीले यो मात्र काम नगर्न पनि सक्छौ । यसैले, सबै सहयोगी हातहरुको आवश्यकता पर्छ । अन्य क्रियाकलाप पनि गर्नुपर्ने हुन्छ । समुहबाट गर्दा यसले निरन्तरता पाउने संभावना पनि बढी हुन्छ ।’
यो पनि पढ्नुहोस
११३ जना प्राविधिकलाई राजेश हमालले गरे जनही ५ हजार सहयोग
हमालले समुहतग रुपमा गर्नु भनेको सहज कुरा नभएको बताए । उनले, समुहगत रुपमा काम गर्दा धेरै व्यक्तिको जिम्मेवारी लिनुपर्ने सुनाए ।
उनले अगाडि भने–‘केही कार्य समहुगत रुपमा हुन्छ, यसैले मिडियाकर्मीहरु यहाँ हुनुहुन्छ । व्यक्तिगत कार्यमा तपाइहरुको मलाई आवश्यकता नपर्न पनि सक्छ । व्यक्तिगत सहयोग हुने वित्तिकै तपाइहरु सबैलाई जमघट गर्न आवश्यक पनि छैन । मैले आफ्ना नजिकका साथीहरुको मात्र यसमा सहयोग लिएको छु ।’
नायक हमालले लकडाउन भएपनि चलचित्र बनाउन मेकरहरु उत्साहित रहेको सुनाए । उनले भने–‘मैले लकडाउनको समयमा २–४ वटा स्क्रिप्ट पढेँ । मेकरहरुमा उत्साह छ । लकडाउन सकिएलगतै साइन गर्नुपर्छ भन्नुहुन्छ ।’
