दशैंमा रिलिज हुने तयारीमा रहेको चलचित्र ‘लक्ष्मी पुजा’मा समावेश ‘जिन्दगी’ बोलको गीत सार्वजनिक गरिएको छ । माण्डवी त्रिपाठीको स्वरमा समावेश गीतमा दयाराम पाण्डेको शब्द, विपिन आचार्यको संगीत छ । यो गीतको भिडियोमा चलचित्रका मुख्य कलाकार अस्मिता जुरेली, जयकिशन बस्नेत र नीर शाहलाई देखाइएको छ ।
सलोन सलिना फिल्मस्को व्यानरमा निर्माण भएको चलचित्रमा समिर मियाँको निर्देशन तथा शोभित बस्नेतको निर्माण छ । यो चलचित्रमा जयकिशन बस्नेत, जाहान्वी बस्नेत, अस्मिता जुुरेली, नीर शाहको अभिनय छ । चलचित्रमा सलोन बस्नेत र रियाशा दाहाल विशेष भूमिकामा देखिदैछन् ।
यो चलचित्रमा जाहान्वी बस्नेत दोहोरो भूमिकामा देखिदैछिन् । केदार भुषालको लेखन, रामजी लामिछानेको कोरियोग्राफी र जयकुमार दर्लामीको छायांकन रहेको चलचित्रले दशैं र तिहारको परिवेशलाई चलचित्रमा प्रस्तुत गरेको छ ।
