२० असोज, काठमाडौं । वाणिज्य बैंकका सीईओहरुको छाता संगठन नेपाल बैंकर्स संघका पूर्व अध्यक्ष उपेन्द्र पौडेल नविल बैंकको अध्यक्ष चुनिएका छन् । मंगलबार बसेको बैंक सञ्चालक समितिको बैठकले पौडेललाई अध्यक्ष चयन गरेको हो ।
पौडेल एमएमबि बैंकको प्रमुख कार्यकारी अधिकृतबाट बिदा भए पछि नविल बैंकको सञ्चालक चुनिएका थिए । उनी बैंकिङ क्षेत्रमा ३ दशक भन्दा लामो समय अनुभवी बैंकरको रुपमा परिचित व्यक्ति हुन् ।
नबिलमा सर्वसाधारण लगानीकर्ताको तर्फबाट सञ्चालकको जिम्मेवारीमा रहेका दुई जनाको ४ वर्षे कार्यकाल गत आइतबार नै सकिएको थियो । यस अघि बैंकको अध्यक्ष शम्भु प्रसाद पौड्याल थिए । उनको कार्यकाल पछि उपेन्द्र अध्यक्ष चुनिएका हुन् ।
सन् १९८६ मा ग्रिण्डलेज बैंकबाट बैंकिङ करिअर सुरु गरेका पौड्याल त्यहाँ १४ वर्ष जिम्मेवारी सम्हालेपछि उनी एनएमबी फाइनान्समा पुगे । एनएमबीमा उनले १७ वर्ष काम गरे ।
१४ वर्ष ग्रिण्डलेज बैंक, १७ वर्ष एनएमबी र ३ वर्ष नबिल बैंकसहित उनले ३४ वर्षको बैंकिङ अनुभव लिएका छन् । पौड्याल सन् २०१४ देखि २०१६ सम्म नेपाल बैंकर्स संघको अध्यक्ष थिए ।
