१८ कात्तिक, काठमाडौं । नेपाल एयरलाइन्सले ३६ वर्ष पुरोना प्लानिङ सफ्टवेयरलाई विस्थापन गर्दै नयाँ सफ्टवेयरमा प्रवेश गरेको छ । पाइलटले जहाजको ककपिटमा जानु अगाडी आवश्यक सबै सूचना यसै सफ्टवेयरमार्फत लिने गर्छन् ।
मौसमको पूर्वानुमान, विमानस्थलमा भएका अवरोधहरु, आकासमा गन्तब्य रुटको अवस्थादेखि जहाजको भारबहन क्षमता र उक्त उडानको भारसमेत यसै सफ्टवेयरबाट हेर्न सकिन्छ । नेपाल एयरलाइन्सकी प्रवक्ता करिश्मा श्रेष्ठका अनुसार नेपाल एयरलाइन्सले यसअघि ‘एसआइटीए फ्लाइट प्लानिङ सफ्टवेयर’ प्रयोग गरिरहेको थियो ।
यो सफ्टवेयर १९८४ मा जडान गरिएको थियो । सो सफ्टवेयर विस्थापित गरी अब एयरबस कम्पनीले निर्माण गरेको ‘एनएभीबीएलयूई फ्लाइट प्लानिङ (एन-एफपी)’ प्रयोग थालेको हो ।
नेपाल एयरलाइन्सले २९ अक्टोवरबाट औपचारिक रुपमा नयाँ सफ्टवेयरबाट काम थालेको जनाएको छ । यसले यसअघिको सिस्टमको तुलनामा ३० प्रतिशतसम्म खर्च बचत हुने प्रवक्ता श्रेष्ठको भनाइ छ ।
हवाई उडानलाई सुरक्षित र भरपर्दो बनाउन समेत कम्पनी प्रतिवद्ध रहेको समेत उनले बताएकी छिन् ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.png)
.png)
प्रतिक्रिया 4