२६ कात्तिक, जनकपुरधाम । सर्लाहीको ब्रम्हपुरी गाउँपालिका-३ भेल्हीमा मौरीले टोक्दा आमाछोरी सिकिस्त बिरामी भएका छन् ।
घाँस काट्न गएको समयमा मौरीले टोक्दा स्थानीय दिनेश मुखियाकी ३० वर्षीया श्रीमती पार्वती मुखिया र उनकी १२ वर्षीया छोरी करिना बिरामी परेको प्रहरीले जनाएको छ ।
चौरमा घाँस काट्ने क्रममा आमाछोरीलाई मौरीले टोकेको थियो । उनीहरु दुवैको जिल्ला अस्पताल मलंगवामा उपचार भइरहेको छ ।
