गायक प्रितम आचार्यको स्वरमा ‘म पागल सरी’ सार्वजनिक भएको छ । प्रितम भारतीय टेलिभिजनको चर्चित रियालिटी शो ‘सारेगमप’का फस्ट रनरअप समेत हुन् । शुक्रबार अमेरिकाको इन्टरनेसनल फ्रेन्ड्स बार रेष्टुरेन्टमा आयोजित कार्यक्रममा यो गीत सार्वजनिक गरिएको थियो । शशी विक्रम थापाको संगीतमा तयार गीतमा प्रभाकर देव शर्माको शब्द छ ।
रुपेश उप्रेतीतले निर्देशन गरेको भिडियोमा योगेन थापाको छायांकन र सम्पादन छ । भिडियोमा मुकेश अधिकारी, गोमा बास्कोटा, निश्चल अधिकारी, लिजा बास्तोला, आयुष रिजालको अभिनय छ । अमेरिकाको विभिन्न ठाउँमा यो भिडियोको छायांकन गरिएको छ । एलडी बास्तोलाले भिडियोमा लगानी गरेका छन् ।
