२७ कात्तिक, बुटवल । पाल्पाकी एक कोरोना संक्रमित महिलाको रुपन्देहीमा मृत्यु भएको छ ।
पाल्पाको बगनासकाली गाउँपालिका–६, यम्घाकी ५१ वर्षीया महिलाको भैरहवास्थित युनिभर्सल मेडिकल कलेजमा उपचारका क्रममा बुधबार मृत्यु भएको हो ।
३० कात्तिकमा अस्पताल भर्ना भएकी उनको कोरोना परीक्षण रिपोर्ट मंसिर १ गते पोजेटिभ आएको मेडिकल कलेजका जनसम्पर्क अधिकृत शुशिल गुरुङले बताए । उनी निमोनिया, दम र मधुमेहसम्बन्धी रोगबाट पनि ग्रसित थिइन् ।
यससँगै पाल्पा जिल्लामा कोरोना संक्रमितको मृत्यु हुने संख्या १८ पुगेको स्वास्थ्य कार्यालय पाल्पाका सूचना अधिकारी ओमप्रकाश पन्थीले बताए ।
