२ पुस, काठमाडौं । महानगरीय प्रहरी कार्यालय, रानीपोखरीको नेतृत्वमा प्रहरी अतिरिक्त महानिरीक्षक (एआईजी) हरिबहादुर पाल आएका छन् । हालका प्रमुख विश्वराज पोखरेलको अपराध अनुसन्धान विभागमा सरुवा भएको छ ।
सरकारले एआईजीको एउटा दरबन्दी थप्दै पोखरेललाई २५ मंसिरमा एआईजीमा बढुवा गरेको थियो । त्यसपछि भएको पदस्थापनमा पाल र पोखरेलको सरुवा भएको हो ।
बिहीबार रानीपोखरीमा आयोजित कार्यक्रमका बीच पोखरेलको विदाइ भएको छ भने पालको स्वागत गरिएको छ । त्यसक्रममा मातहतका प्रहरी अधिकृतहरुलाई इमान्दारिताका साथ दिइएको जिम्मेवारी पूरा गर्न पालले निर्देशन दिएका छन् ।
उपप्रधानमन्त्री ईश्वर पोखरेलको दबाबमा बढुवा भएका पोखरेललाई भावी आईजीपीको रुपमा हेरिएको छ ।
