४ माघ, सुर्खेत । सुर्खेतको वीरेन्द्रनगरस्थित पर्यटकीयस्थल बुलबुले तालमा फसेको घाइते जरायोको उद्धार गरिएको छ ।
तालमा फसेर घाइते भई अचेत अवस्थामा रहेको करिब तीन वर्षको जरायोलाई आइतबार बिहान उद्धार गरी उपचार थालिएको डिभिजन वन कार्यालय सुर्खेतले जनाएका छ ।
तालको बीचमा जरायो फसेको भन्ने स्थानीयबाट खबर पाएपछि डिभिजन वन कार्यालयको टोलीले उद्धार गरेको सहायक वन अधिकृत टेक रावलले जानकारी दिए ।
रावलका अनुसार घाइते जरायो संरक्षित क्षेत्र काँक्रेविहार जंगलबाट बाहिर निस्केको र अचेत अवस्थामा डौडिदाँ बुलबुलेको तारजालिमा ठोक्किँदा घाइते भएको अनुमान गरिएको छ ।
जरायोको टाउकोमा चोट लागेको छ । उपचारपछि निको भएपछि काँक्रेविहार जंगलमा छाडिने छ ।
पछिल्लो समय काँक्रेविहार जंगलमा रहेका जनावर असुरक्षित बन्दै गएका छन् । रातिको समय जंगलमा चोरी सिकारी बढेपछि जनावर असुरक्षित भई बाहिर निस्कन थालेको स्थानीयहरु बताउँछन् ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.png)
.png)
प्रतिक्रिया 4