२०७७ माघ १२ गते ७:५७ 
१२ माघ, काठमाडौं । लिभरपुललाई पराजित गर्दै म्यानचेस्टर युनाइटेड एफए कप फुटबलको पाँचौं चरणमा प्रवेश गरेको छ । आइतबार राति भएको चाैथाे चरणकाे राेमाञ्चक खेलमा लिभरपुललाई ३-२ ले पराजित गर्दै युनाइटेड प्रिक्वाटरफाइनलमा पुगेकाे हाे ।
घरेलु मैदान ओल्ड ट्राफोर्डमा भएको खेलमा युनाइटेडले एक गाेलले पछि परेकाे स्थितिमा पुनराथमन गरेको हाे ।
मोहमद सालाहले १८ औं मिनेटमा गोल गर्दै लिभरपुललाई पहिले अग्रता दिलाएका थिए । तर, खेलको २६औं मिनेटमा मासन ग्रीनउडले युनाइटेडका लागि बराबरीमा गाेल फर्काए ।
४८ औं मिनेटमा मार्कुस रासफोर्डले गोल गर्दै युनाइटेडलाई २-१ को अग्रता दिलाए ।
५८ औं मिनेटमा लिभरपुलका सालाहले व्यक्तिगत दोस्रो गोल गर्दा खेल २-२ को बराबरीमा पुग्यो ।
त्यसपछि वैकल्पिक खेलाडीकाे रुपमा मदान प्रवेश गरेका ब्रुनो फर्नान्डेजले निर्णायक गाेल गरे ।
उनले ७८ औं मिनेटमा फर्नान्डेसले फ्रिकिकबाट उत्कृष्ट गोल गर्दै युनाइटेडलाई ३-२ को जित दिलाए ।
अब युनाइटेडले पाँचौं चरणमा वेस्टह्यामसँग खेल्नेछ ।
प्रतिक्रिया 4