सवारी कारबाहीबाट २६ लाख राजश्व संकलन

२२ माघ, गुल्मी । गुल्मीमा सवारी साधन कारबाहीबाट २६ लाख रुपैयाँ भन्दाबढी राजस्व संकलन भएको छ ।

जिल्ला ट्राफिक कार्यालय गुल्मीका अनुसार पछिल्लो ६ महिनामा ट्राफिक नियम उल्लंघन गरी सञ्चालन भएका ३ हजार ९५० सवारी साधन कारबाहीबाट २६ लाख २१ हजार ५ सय रुपैयाँ राजस्व संकलन भएको छ ।

जसअनुसार साउनमा ४५०, भदौमा ४५०, कात्तिकमा ७५०, मंसिरमा ८०० र पुसमा ९०० वटा सवारी साधन कारबाहीमा परेको जिल्ला ट्राफिक कार्यालय गुल्मीका प्रमुख प्रहरी सहायक निरीक्षक जगन्नाथ पाण्डेयले बताए ।