५ फागुन, गुल्मी । गुल्मीमा झण्डै २ हजार ८ सय जनालाई कोरोनाविरुद्धको खोप लगाइएको छ ।
पहिलो र दोस्रो चरणमा गरी हालसम्म २ हजार ७ सय ९७ जनाले कोरोनाविरुद्धको खोप लगाएको जिल्ला स्वास्थ्य कार्यालय गुल्मीका सूचना अधिकारी पशुपति आचार्यले बताए ।
पहिलो चरणको खोप १४ माघदेखि र दोस्रो चरणको खोप २ फागुनदेखि सुरु गरिएको थियो । पहिलो चरणमा १ हजार ७ सय ४५ र दोस्रो चरणमा हालसम्म १ हजार ५२ जनाले कोरोनाविरुद्धको खोप लगाइसकेको आचार्यले बताए ।
दोस्रो चरणको कोरोनाविरुद्धको खोप कार्यक्रम जिल्लामा फागुन ८ गतेसम्म चल्ने छ ।