२०७७ फागुन २१ गते ७:३५ 
२१ फागुन, काठमाडौं । साविक विजेता लिभरपुलले यस सिजन प्रिमियर लिगमा खराब प्रदर्शनलाई निरन्तरता दिँदा घरेलु मैदानमा लगातार पाँचौ हार व्यहोरेको छ । गएराति भएको खेलमा लिभरपुल चेल्सीसँग १-० ले पराजित भएको हो ।
मासोन माउन्टले चेल्सीको जितमा एक मात्र गोल गरे । माउन्टले ४२औं मिनेटमा उत्कृष्ट भली गोल गरेका थिए । त्यही गोल नै चेल्सीलाई ३ अंक दिलाउन निर्णायक बनेको हो ।
जितपछि चेल्सी २७ खेलबाट ४७ अंक जोड्दै चौथो स्थानमा उक्लेको छ । लिभरपुल ४३ अंकसहित सातौं स्थानमा छ ।
प्रशिक्षक थोमस टुचेल आएपछि चेल्सी सबैखाले प्रतियोगितामा गरेर १० खेलमा अपराजित छ ।
यस्तै अर्को खेलमा एभरटनले वेष्टब्रोमलाई १-० ले पराजित गर्दै शीर्ष चारको नजिक रहेको छ । एभरटनका लागि रिचार्लिसनले ६५औं मिनेटमा गोल गरे ।
२७ खेलबाट ४६ अंक जोड्दै एभरटन पाँचौ स्थानमा उक्लेको छ ।
प्रतिक्रिया 4