२ चैत, सोमबार । एक उच्च अमेरिकी अधिकारीले राष्ट्रपति जो वाइडन प्रशासन ‘खुला र स्वतन्त्र’ इन्डो प्यासिफिक कायम राख्न नेपाललगायत दक्षिण एसियाली मुलुकसँग साझेदारी कायम गर्न इच्छुक रहेको बताएका छन् ।
इन्डोप्यासेफिक सुरक्षा सम्बन्धी कार्यवाहक अमेरिकी उपविदेशमन्त्री डेभिड हेलभेले त्यहाँका सांसदहरुसँगको अन्तरक्रिया कार्यक्रममा उनले वाइडेन प्रशासन ‘भारतलाई केन्द्रमा राखेर दक्षिण एसियाली मुलुकहरुसँग रक्षा सहकार्य गर्न प्रतिवद्ध रहेको’ उल्लेख गरे ।
उनले भारतसँगको रक्षा सहकार्यलाई विशेष प्राथमिकता दिएका थिए ।
उनले भने,’वाइडेन प्रशासनले भारतसँग रक्षा र प्राविधिक सहकार्य गहन बनाउन चाहिरहेको छ । त्यो हतियार र उपकरण मात्र उपलब्ध गराएर होइन्, भारतलाई आफ्नै सुरक्षासम्बन्धी औधोगिक आधार बनाउन सहयोग गरेर हुनेछ ।’ उनले भारतलाई वास्तविक साझेदार भएको समेत उल्लेख गरेका छन् ।
