७ चैत, काठमाडौं । नेपाली काँग्रेसका उपसभापति विमलेन्द्र निधिले सरकारको नेतृत्वका निम्ति कुनै दलबाट औपचारिक प्रस्ताव नआएको बताएका छन् । भक्तपुरमा आयोजित एक कार्यक्रममा निधिले माओवादी केन्द्र र जनता समाजवादी पार्टी (जसपा) बाट औपचारिक प्रस्ताव नआएको बताए ।
‘प्रतिपक्षमा बस्ने कुन दल होला, जो सरकार बनाउन अग्रसर नहोस् ?’, निधिले प्रश्न गरे । काँग्रेस सरकारको नेतृत्व लिन अग्रसर भएन भन्ने आलोचनाको खण्डन गरे । गत साता सभापति शेरबहादुर देउवाको निवास बुढानिलकण्ठमा जसपाका नेताहरुसँग भेटवार्ता भएपनि सरकारको नेतृत्व लिन प्रस्ताव नआएको उनले बताए । काँग्रेससँग वैकल्पिक सरकार बनाउने आवश्यक बहुमत नभएको र अन्य दलको प्रस्ताव पनि नआएको उनले बताए।
तर, केपी शर्मा ओलीले प्रधानमन्त्रीबाट राजीनामा दिनुपर्छ भन्ने पक्षमा काँग्रेस रहेको निधिको भनाइ थियो । ‘अलिकति पनि नैतिकता भएको भए सर्वोच्च अदालतको फैसला आएको एक मिनेट नबित्दै राजीनामा दिनुपथ्र्यो’, निधिले भने ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.png)
.png)
प्रतिक्रिया 4