१० चैत, काठमाडौं । नेपाली राष्ट्रिय टिमका चार खेलाडी सम्मिलित मासा युनाइटेडले पाकिस्तान राष्ट्रिय महिला फुटबल च्याम्पियनसिपमा कराँची वुमन्सलाई ३५-० गोल अन्तरले पराजित गरेको छ ।
मंगलबार भएकाे खेलमा मासाकाे जितमा नेपाली खेलाडी अनिता केसीले १६ गोल गरिन् । यस्तै मिडफिल्डर सरु लिम्बुले १० गोल गरिन् ।
अरिबाले ३ तथा सम्रोज समिरानाले दुई गोल गरिन् । गीता रानाले २ गोल गरिन् । मासाकाे कप्तानसमेत रहेकी नेपाली गोलकिपर एन्जिलाले समेत २ गोल गरिन् ।
पहिलो खेलमा मासा युनाइटेडले सियालकोट सिटीलाई १९-० गोल अन्तरले पराजित गरेको थियो भने दोस्रो खेलमा हाइयर एजुकेसन कमिसनलाई ४-० गोल अन्तरले हराएको थियो ।
