१६ चैत, जनकपुरधाम । होली पर्वमा उच्छृङ्खल गतिविधि गरेको आरोपमा सर्लाही प्रहरीले सोमबार ३५ जनालाई पक्राउ गरेको छ । जिल्ला प्रहरी कार्यालय, सर्लाहीका प्रहरी प्रवक्ता मदन कुँवरका अनुसार जिल्लाको विभिन्न भागबाट उनीहरूलाई पक्राउ गरिएको हो ।
यस्तै, उच्छृङ्खल तरिकाले गुडाएको भन्दै ९५ वटा मोटरसाईकल समेत नियन्त्रणमा लिइएको कुँवरले बताए । उच्छृङ्खल गतिविधि गर्ने मानिस र मोटरसाइकल नियन्त्रणमा लिई थप अनुसन्धान गरिरहेको प्रहरीले जनाएको छ ।
