१७ चैत, विराटनगर । जङ्गली हात्तीको आक्रमणबाट मोरङको मिक्लाजुङ गाउँपालिका- ६ मा एकजनाको मृत्यु भएको छ ।
४९ वर्षीय यामबहादुर बोहोराको मृत्यु भएको हो । उनलाई सोमबार राति हात्तीले आक्रमण गरेको थियो ।
इलाका प्रहरी कार्यालय उर्लाबारीका प्रहरी निरीक्षक कुन्दन देवका अनुसार मृतक अपाङ्गता भएका व्यक्ति हुन् । उनी बोल्न र सुन्न सक्दैन्थे ।
राति छिमेकीको घरबाट फर्किने क्रममा राति करिब १० बजेतिर हात्तीले आक्रमण गरेको थियो । हात्तीको आक्रमणबाट घाइते भएका उनलाई उपचारका लागि अस्पताल लैजाँदै गर्दा बाटोमै मृत्यु भएको हो ।
यामबहादुरकी श्रीमती सावित्रा कार्कीले भने भागेर ज्यान जोगाएकी छन् ।
