२ वैशाख, विराटनगर । विराटनगरको कोसी अस्पताल कोरोना भाइरस (कोभिड-१९) उपचार केन्द्रमा कोरोना सङ्क्रमित महिलाको मृत्यु भएको छ । बिहीबार बिहान करिब ४ बजे विराटनगर महानगरपालिका-४ बरगाछीकी ४६ वर्षीया महिलाको मृत्यु भएको हो ।
अस्पतालका निमित्त संयोजक एपोलो भगतका अनुसार मृतक महिला बुधबार दिउँसो श्रीमानसँगै कोरोना अस्पतालमा भर्ना भएकी थिइन् । नोबेल अस्पतालमा पीसीआर परीक्षण गराउँदा रिपोर्ट पोजिटिभ आएको थियो ।
स्कुटरमा अस्पताल पुगेकी महिलाको अवस्था सामान्य थियो । तर एक्कासी अक्सिजनको मात्रा कमी भएका कारण मृत्यु भएको अस्पतालले जनाएको छ ।
