२३९ रनको लक्ष्य पछ्याउने क्रममा नेदरल्याण्ड्सको शुरुवात राम्रो हुन सकेन । नेदरल्याण्ड्सले दोस्रो ओभरमै ओपनर टोबियस भिसेलाई २ रन गुमायो । उनलाई नेपालका आसिफ शेखले डिरेक्ट हिटमार्फत रनआउट गरे ।
यस्तै पाँचौ ओभरमा नेदरल्याण्ड्सले दोस्रो विकेट गुमायो । बेन कुपर कमल सिंह ऐरीको बलमा पाँचौ ओभरको चौथो बलमा ७ रन बनाएर आउट भए । उनलाई कप्तान ज्ञानेन्द्र मल्लले उत्कृष्ट क्याच गर्दै आउट गरे ।
पाँचौ ओभरमा नेदरल्याण्ड्सले तेस्रो विकेट गुमायो । यस पटक नेपालका कुशल भुर्तेलले उत्कृष्ट रनआउट गरे । १ रन बनाएका डच बास डे लिड पोइन्टमा रहेका भुर्तेलको डिरेक्ट हिटमा रनआउट भए ।
यस्तै छैटौं ओभरको चौथो बलमा करण केसीले नेदरल्याण्ड्सका ओपनर म्याक्स ओ डोडलाई बोल्ड गरे । ओ डोडले १९ बल खेल्दै २ चौका र १ छक्का मद्दतमा २० रन जोडे ।
विशाल लक्ष्य पछ्याएको नेदरल्याण्ड्सले ६ ओभरको पावर प्ले सकिँदा ४ विकेट गुमाएर ३७ रन मात्र बनाएको छ ।
