१५ वैशाख, काठमाडौं । उदयपुरको उदयपुरगढी गाउँपालिका–७ नागबेलीमा बलेरो जीप दुर्घटना हुँदा एकजनाको मृत्यु भएको छ ।
ना १ च ९३९ नम्बरको बलेरो अनियन्त्रित भई सडकमा पल्टिएर बुधबार बिहान दुर्घटना हुँदा बलेरोमा सवार उदयपुरगढी गाउँपालिका–१ का ३७ वर्षीय शिव खत्रीको मृत्यु भएको हो ।
दुर्घटनामा घाइते भएका उनको जिल्ला अस्पताल गाईघाटमा हुँदै थप उपचारको क्रममा न्यूरो अस्पताल विराटनगरमा मृत्यु भएको प्रहरीले जनाएको छ । साथै दुर्घटनामा घाइते भएका १२ जनामध्ये ६ जनाको जिल्ला अस्पताल गाईघाट र अन्य ६ जनाको न्यूरो अस्पताल विराटनगरमा उपचारको भइरहेको छ ।
बलेरो चालकलाई प्रहरीले नियन्त्रणमा लिएको छ ।
