२७ वैशाख, काठमाडौं । जारी हिमाल आरोहणको दौरान पुमोरी हिमाल (७१६१ मिटर)मा आज सफल आरोहण भएको छ । पर्यटन विभागका अनुसार आज यो हिमालमा दुई भारतीय र चार जना नेपालीले सफल आरोहण गरेका छन् । आरोही टोली २ः३० मा चुचुरो पुगेको थियो ।
यो हिमाल चढ्न यस सिजनमा २ समुहका ९ जना सदस्यले आरोहण अनुमति लिएको विभागको तथ्यांक छ ।
अहिले सगरमाथासहित १६ हिमाल चढ्न ७४२ जना आरोही हिमालमा रहेका छन् । अनुकुल मौसम हेरे आरोहीबाट धमाधम आरोहण शुरु भएको छ ।