४ जेठ, रौतहट । कोरोना संक्रमणका कारण रौतहटमा एक जनप्रतिनिधिको ज्यान गएको छ ।
रौतहटको गरुडा नगरपालिका वडा नं. ७ का वडाअध्यक्ष रामेश्वर राय यादवको उपचारको क्रममा ज्यान गएको हो ।
विगत १५ दिनदेखि काठमाडौंको ग्राण्डी अस्पतालमा उपचारको क्रममा रहेका ५५ वर्षीय यादवको सोमबार बेलुका मृत्यु भएको गरुडा नगरपालिकाका निमित्त प्रमुख प्रशासकीय अधिकृत मुस्ताक आलमले जानकारी दिए ।
स्वास्थ्य जटिल बनेपछि उनलाई थप उपचारका लागि काठमाडौं लगिएको थियो ।
