४ जेठ, काठमाडौं । भारतमा कोरोना भाइरस (कोभिड–१९) बाट संक्रमितको उपचारमा प्लाज्मा थेरापीको प्रयोग बन्द गरिएको छ ।
भारतको इन्डियन काउन्सिल अफ मेडिकल रिसर्च (आईसीएमआर)ले सोमबार राति कोरोनाको उपचारको निर्देशिका परिवर्तन गरेको हो ।
आईसीएमआरले प्लाज्मा थेरामीको कारण संक्रमितको अवस्थामा सुधार आउने कुनै प्रमाण फेला नपरेको बताएको छ । यद्यपि रजिस्टर्ड डाक्टरलाई भने आईसीएमआरको निर्देशिका पालना गर्नु अनिवार्य हुँदैन ।
आईसीएमआरले गत वर्ष नै चार सय संक्रमितमा प्लाज्मा थेरापीको परीक्षण गरेको थियो । यो अध्ययनमा यसबाट खासै फाइदा नपुग्ने पाइएको थियो । अन्तर्राष्ट्रिय स्तर गरिएको परीक्षणमा पनि प्लाज्मा थेरापी खासै प्रभावकारी नभएको पाइएको थियो ।
हालै मात्र प्रसिद्ध मेडिकल जर्नल ल्यान्सेटले पाँच हजार संक्रमितको गरिएको परीक्षणको आधारमा एक रिसर्च छापेको थियो । यसमा पनि कोरोनाको उपचारमा प्लाज्मा थेरापी प्रभावकारी नरहेको उल्लेख थियो ।
एजेन्सीहरुको सहयोगमा
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.png)
.png)
प्रतिक्रिया 4