Comments Add Comment

निषेधाज्ञाका बीच बुद्ध एयरले भित्र्याउँदैछ नयाँ जहाज

६ जेठ, काठमाडौं । नेपालको निजी लगानीको सबैभन्दा ठूलो वायुसेवा कम्पनी बुद्ध एयरले जहाज थपेको छ । कम्पनीको एटीआर ७२-५०० जहाज आज भारतको नयाँ दिल्लीबाट काठमाडौं आउँदैछ ।

त्रिभुवन विमानस्थल कार्यालयका अनुसार यो जहाज साँझ साढे ६ बजे काठमाडौं आउने कार्यक्रम छ । कम्पनीका अनुसार जहाज खरिदको निर्णय निषेधाज्ञा भन्दा अगाडि नै भएको थियो ।

सोहीअनुसार बुद्ध एयरले क्षेत्रीय विमानस्थलहरुबाट अन्तर प्रदेश उडानको घोषणा समेत गरेको थियो ।

‘नयाँ जहाज ल्याएर पोखरा-विराटनगर, सिमरा, नेपालगन्ज, जनकपुरसहितका गन्तव्यमा उडानको योजना बनेको हो’ कम्पनीका एक उच्च अधिकारीले भने, ‘कोरोना महामारीपछि त्यो योजना पर सरेको छ ।’

नयाँ जहाज थप भएसँगै अब कम्पनीसँग कुल जहाज संख्या १५ पुगेको छ । त्यसमध्ये एटीआर ७२ मात्र १० पुगेको छ ।

यो खबर पढेर तपाईलाई कस्तो महसुस भयो ?

ट्रेन्डिङ

Advertisment