७ जेठ, काठमाडौं । विपक्षी गठबन्धनको बैठक शुक्रबार अपराह्न तीन बजे फेरि बस्ने भएको छ ।
बिहान कांग्रेस सभापति शेरबहादुर देउवाको निवास बुढानीलकण्ठमा भेला भएर छलफल गरेका दलहरु दिउँसो तीन बजे फेरि बैठक बस्न लागेका हुन् ।
देउवा निवासमा बसेको बैठकमा सरकारको विकल्पबारे छलफल भएको थियो । प्रधानमन्त्री केपी शर्मा ओलीले राजीनामा नदिई नयाँ सरकार गठनको लागि आह्वान गर्नु असंवैधानिक भएको र नयाँ सरकारको विकल्प खोज्ने विषयमा केन्द्रित रहेर छलफल भएको जसपाका नेता मोहम्मद इस्तियाक राईले जानकारी दिए ।
कांग्रेस, माओवादी र एमाले माधव नेपाल पक्षबीच छलफल भइरहेको बेला उपेन्द्र यादव पक्षका नेता मोहम्मद इस्तियाक राई पनि पुगेका थिए ।
