देशभक्ति गीत ‘सरकार चाहियो’को म्युजिक भिडियो सार्वजनिक गरिएको छ । सतिश चापागाईँको शब्द रहेको गीतमा शिशिर योगीको संगीत एवं स्वर छ । गीतको संगीत संयोजन बीबी अनुरागीले र मिक्सिङ माष्टरिंङ श्याम श्वेत रसाईलीले गरेका हुन् । गीतको भिडियोलाई संचारकर्मी तथा निर्देशक रामजी ज्ञवालीले निर्देशन गरेका हुन् ।
गीतको भिडियोमा कलाकार सुरवीर पण्डित र रश्मी भट्टसँगै कलाकार जिबी चिरन लगायतको अभिनय हेर्न सकिन्छ । संकल्प भुजेल र अशोक थापाको छायाँकन रहेको भिडियोलाई राम्रो इन्टरटेनमेन्टले निर्माण गरेको हो । भिडियोलाई मिलन श्रेष्ठले छायाँकन गरेका हुन् । नेप्लिज डायस्पोराको लगानीमा यो गीत तयार भएको हो ।
