७ साउन, काठमाडौं । मुक्तिनाथ विकास बैंकले आजदेखि एक अर्ब २५ करोड रुपैयाँ बराबरको १२ लाख ५० हजार ऋणपत्र निष्कासन गरेको छ ।
बैंकले प्रति इकाई एक हजार रुपैयाँ अंकित दरका १२ लाख ५० हजार कित्ताले हुन आउने १ अर्ब २५ करोड बराबरको ‘मुक्तिनाथ डिबेन्चर ऋणपत्र २०८४/८५’ निष्काशन गरेको हो ।
बैंकले जारी गरेको ७ वर्षे ऋण पत्रमा लगानी गर्ने लगानीकर्ताले वार्षिक ८.७५ प्रतिशत ब्याजदर पाउनेछन् ।
१२ लाख ५० हजार कित्ता ऋणपत्रमध्ये बैंकले ५ लाख कित्ता सर्वसाधारणका लागि र ७ लाख ५० हजार कित्ता ऋणपत्र व्यक्तिगत तवरबाट विक्री गर्ने जनाएको छ ।
उक्त ऋणपत्रमा कम्तिमा २५ कित्तादेखि अधिकतम ५ लाख कित्तासम्म आवेदन दिन सकिने छ ।
ऋणपत्र खरिदका लागि छिटोमा साउन ११ गतेसम्म र ढिलोमा २१ गतेसम्म आवेदन दिइसक्नु पर्ने बैंकले जनाएको छ ।
