+
+

अफगानिस्तानबाट हालसम्म ८२८ नेपाली स्वदेश आइपुगे

अनलाइनखबर अनलाइनखबर
२०७८ भदौ १४ गते १९:४८
फाइल तस्वीर

१४ भदौ, काठमाडौं । अफगानिस्तानबाट हालसम्म ८२८ जना नेपाली काठमाडौं आइपुगेका छन् । परराष्ट्र मन्त्रालयका अनुसार अफगानिस्तानबाट उद्धार भई आइतबार साँझ फ्लाई दुबईको नियमित उडानबाट ५ जना र टर्किस एयरको नियमित उडानबाट ४५ जना गरी थप ५० जना स्वदेश फर्किएका छन् ।

अफगानिस्तानको राजधानी काबुलमा उद्धारको पर्खाइमा रहेका थप नेपाली नागरिकहरुलाई स्वदेश फर्काउन आवश्यक समन्वय भइरहेको पनि मन्त्रालयले जनाएको छ ।

अफगानिस्तानमा रहेका र आफ्नो नाम दर्ता नगरेका नेपालीहरुले आफैं वा परिवारमार्फत कन्सुलर विभागको वेबसाइट https://nepalconsular.gov.np मा रहेको अनलाइन पोर्टलमा तथा कन्सुलर सेवा विभागको भाइबर र ह्वाट्सअप नम्बरमा विवरण टिपाउन पनि मन्त्रालयले आग्रह गरेको छ ।

विद्रोही तालिबानले अफगानिस्तानमा नियन्त्रण जमाएपछि त्यहाँका राष्ट्रपति असरफ घानीले देश छाडेका छन् भने विभिन्न देशले सेना पठाएर आफ्ना नागरिकहरुलाई उद्धार गरिरहेका छन् ।

यो खबर पढेर तपाईलाई कस्तो महसुस भयो ?
Khusi chhu

खुसी

Dukhi chhu

दुःखी

Achammit chhu

अचम्मित

Utsahit Chhu

उत्साहित

Akroshit Chhu

आक्रोशित

प्रतिक्रिया

भर्खरै पुराना लोकप्रिय
Advertisment

छुटाउनुभयो कि ?