पोखरा-नेपालगन्ज रुटमा नियमित उडान शुरु

१७ साउन, काठमाडौं । पोखरा-नेपालगन्ज रुटमा नियमित उडान शुरु भएको छ । यसअघि सीता एयरले चार्टर्ड उडान गरेको यो रुटमा अब बुद्ध एयरले साताको तीन दिन नियमित उडान गर्ने गरी सेवा शुरु गरेको हो ।

आइतबार बुद्धको पहिलो जहाज पोखराबाट नेपालगन्ज पुगेको जहाजले त्यहाँबाट यात्रु बोकेर पोखरा आएको छ । बुद्धले आइतबार, बुधबार र शुक्रबार गरि तीन उडान गर्ने भएको छ ।
बुद्धले क्षेत्रीय गन्तब्यलाई जोड्ने क्रममा पोखरा-भैरहवा, पोखरा-भरतपुरपछि पोखरा-नेपालगञ्ज उडान थालेको हो ।

बुद्धले पोखरालाई विराटनगर, सीमरा र जनकपुरसँग समेत जोड्ने योजना यसअघि नै सार्वजनिक गरेको थियो ।