२९ साउन, काठमाडौं । सरकारले कोभिड–१९ विरुद्धको खोप लगाउन छुटेका शिक्षकहरुलाई खोप लगाउने व्यवस्था मिलाएको छ ।
स्वास्थ्य तथा जनसंख्या राज्यमन्त्री उमेश श्रेष्ठले ५५ देखि ६० वर्ष उमेर समूहका लागि सञ्चालित खोप केन्द्रमा गएर शिक्षकहरुले परिचय पत्रको आधारमा खोप लगाउन सक्ने बताएका हुन् ।
शिक्षकहरूलाई यसअघि नै प्राथमिकताका साथ खोप उपलब्ध गराइएको हो । तर यदी कोही छुट्नुभएको वा कोभिड-१९ संक्रमित भएर शिक्षकका लागि संचालित खोप अभियानमा सहभागी हुन नपाउनु भएको भए आफ्नो परिचयपत्र लिएर ५५ देखि ६० वर्ष उमेर समूहका लागि संचालन गरिएको खोप केन्द्रमा गएर खोप लगाउन सक्नुहुन्छ ।
— Umesh Shrestha (@MohpStateMin) August 13, 2021
सामाजिक सञ्जाल ट्वीटरमा राज्यमन्त्री श्रेष्ठले लेखेका छन्, ‘शिक्षकहरुलाई यसअघि नै प्राथमिकतामा साथ खोप उपलब्ध गराइएको हो । तर यदि कोही छुट्नु भएको वा कोभिड–१९ संक्रमित भएर शिक्षकका लागि सञ्चालित खोप अभियानमा सहभागी हुन नपाउनु भएको भए आफ्नो परिचयपत्र लिएर ५५ देखि ६० वर्ष उमेर समूहका लागि सञ्चालित खोप केन्द्रमा गएर खोप लगाउन सक्नुहुन्छ ।’
