+
+

कालो मान्छेलाई बाँदर जाति भनेपछि फेसबुकले माफी माग्यो

अनलाइनखबर अनलाइनखबर
२०७८ भदौ २२ गते १२:२८

आफ्नो आर्टिफिसियल इन्टेलिजेन्स प्रणालीले कालो वर्णको मानिसलाई बाँदर जातिको प्राणी अर्थात् प्राइमेट भनेको विषयमा विवादित बनेसँगै फेसबुकले माफी मागेको छ ।

फेसबुक प्रयोगकर्ताहरुले कालो वर्णका मानिसहरुलाई देखाइएका समाचारजन्य भिडियोहरु फेसबुकमा हेर्ने क्रममा फेसबुकको आर्टिफिसियल इन्टेलिजेन्स प्रविधिले ‘के तपाईंले प्राइमेटको भिडियो हेरिरहन चाहनुहुन्छ ?’ भन्ने अनौठो तथा आपत्तिजनक प्रश्न गरेको विषय सार्वजनिक भएको थियो ।

यो प्रष्ट रुपमा अक्षम्य गल्ती भएको र यस विषयमा अनुसन्धान अगाडि बढाइएको फेसबुकले जनाएको छ । हाललाई फेसबुकले उक्त आर्टिफिसियल इन्टेलिजेन्सलाई निस्क्रिय बनाएको छ ।

‘यस्ता आपत्तिजनक सामग्रीहरु देखेका सबै प्रयोगकर्तासँग हामी माफी माग्दछौँ,’ फेसबुकले भनेको छ ।

फेसबुकको यो पछिल्लो काण्ड वास्तवमा आर्टिफिसियल इन्टेलिजेन्सले गर्ने जातीय विभेदको श्रृंखलाको पछिल्लो कडी भएको बताइएको छ ।

सन् २०१५ मा गुगलको फोटो एपले काला जातिका मानिसहरुको तस्वीरमा गोरिल्ला लेखिदिएको थियो । त्यस विषयमा गुगलले माफी माग्दै गोरिल्ला शब्दको फोटो तथा शब्दको सर्चमा समेत सेन्सर लगाएको थियो ।

गत मे महिनामा ट्वीटरको अल्गोरिदमको फेसियल रिकग्नीसन सिस्टमले समेत अनुहारका आधारमा वर्ण विभेद गरेको खबर सार्वजनिक भएको थियो ।

बीबीसी

यो खबर पढेर तपाईलाई कस्तो महसुस भयो ?

Khusi
                                chhu

खुसी

Dukhi
                                chhu

दुःखी

Achammit chhu

अचम्मित

Utsahit Chhu

उत्साहित

Akroshit Chhu

आक्रोशित

प्रतिक्रिया

भर्खरै पुराना लोकप्रिय
Advertisment