+
+

राजेश, भूवन हिरो नै होइनन् भन्ने निर्देशकका लागि ‘जीवनको पाना’ जवाफ होः सरोज खनाल

अनलाइनखबर अनलाइनखबर
२०७८ भदौ २७ गते १५:१९

नायक सरोज खनालले ‘जीवनको पाना’ बोलको गीत शनिबार सार्वजनिक गरे । यो गीतमा मदनकृष्ण श्रेष्ठको स्वर छ । भिडियोमा सरोजले अभिनय गरेका छन् । यो गीतको भिडियोमा सरोजले अघिल्ला पुस्ताका कलाकारलाई अहिलेका निर्देशकले कलाकार नै होइनन् भन्ने गरेको बिषय समेत उठाएका छन् ।

यो बिषयमा सरोजले मिडिया कुराकानीमा भने–‘मैल केही अन्तरवार्ताहरु हेरेको थिएँ । जहाँ अहिलेका नयाँ निर्देशकहरुले राजेश हमाल, भूवन केसी लगायतका नायकहरुलाई नायक हुन् र भनेर प्रश्न गरेका छन् । त्यसैको लागि यो गीत मेरो जवाफ हो । म भन्दा सिनियर कलाकारको नाम लिनु मलाई भन्नु बराबर नै हो ।’

सरोजले नायक भुवन केसीलाई देखेपछि आफूले पनि हिरो बन्न सक्छु भनेर सोच बोकेको बताए । उनले भने–‘मैले अभिनय सिकेको नै भुवन केसीबाट हो । उहाँको जुँगा देखेपछि मैले पनि जुँगा राखेको थिएँ । यस्ता व्यक्तिलाई गाली गर्दा आफैलाई गरेको जस्तो लाग्ने रहेछ ।’

सरोज खनालले भिडियोमा आफ्नो विगतको अवस्थालाई उतारेका छन् । अहिले, यो गीतको भिडियोले चौतर्फी प्रशंसा पनि पाइरहेको छ ।

केही समय अगाडि एक अन्तरवार्तामा निर्देशक निश्चल बस्नेतले ‘राजेश हमाल, भुवन केसी’ लगायतको चलचित्र चल्न छाडेको भन्दै उनीहरुलाई चलचित्रमा नलिएको बताएका थिए । सरोजको यो जवाफ निर्देशक बस्नेतप्रति लक्षित रहेको धेरैको वुझाई छ ।

यो खबर पढेर तपाईलाई कस्तो महसुस भयो ?

Khusi
                                chhu

खुसी

Dukhi
                                chhu

दुःखी

Achammit chhu

अचम्मित

Utsahit Chhu

उत्साहित

Akroshit Chhu

आक्रोशित

प्रतिक्रिया

भर्खरै पुराना लोकप्रिय
Advertisment