राजकुमार लेखीले लोकतान्त्रिक समाजवादी पार्टी छोडे

१४ असोज, काठमाडौं । आदिवासी जनजाति नेता राजकुमार लेखीले नवगठित लोकतान्त्रिक समाजवादी पार्टी छोडेका छन् ।

लेखीले बिहीबार पार्टीको केन्द्रीय कार्यकारिणी समिति सदस्य र पार्टीका सबै पदबाट राजीनामा दिएका हुन् ।

राजीनामा पत्रमा नेता लेखीले अब नयाँ राजनीतिक यात्राको थालनी गर्ने निर्णय गरेकोले पार्टीका सबै पदबाट राजीनामा दिएका उल्लेख गरेका छन् ।

लेखी नेकपा एमालेमा प्रवेश गर्ने तयारीमा छन् । विधान महाधिवेशनको अन्तिम दिन (असोज १७ गते) उनी एमाले प्रवेश गर्ने स्रोतले बतायो ।

एमालेको विधान महाधिवेशन आजबाट ललितपुरको गोदावरीमा सुरु हुँदै छ ।