+
+

नवौं महाधिवेशनको कार्यदिशा सर्वसम्मत भयो भन्नु सकारात्मक : भुसाल

अनलाइनखबर अनलाइनखबर
२०७८ असोज १५ गते १६:२३
फाइल तस्वीर

१५ असोज, काठमाडौं । नेकपा एमालेका उपमहासचिव घनश्याम भुसालले नवौं महाधिवेशनको कार्यदिशा विधान महाधिवेशनमा पुग्दा सर्वसम्मत भयो भन्नु सकारात्मक भएको बताएका छन् ।

ललितपुरको गोदावरीमा शुक्रबारदेखि सुरु भएको विधान सम्मेलनमा अध्यक्ष केपी शर्मा ओलीले प्रस्तुत राजनीतिक प्रतिवेदनमा नवौं महाधिवेशनको कार्यदिशा विधान महाधिवेशनमा पुग्दा सर्वसम्मत भएको उल्लेख छ । यो सकारात्मक भएको भन्दै उपमहासचिव भुसालले अनलाइनखबरसँग भने, ‘नवौं महाधिवेशनमा असहमत रहेका कमरेडहरुले त्यो कार्यदिशालाई समर्थन गर्नु भएको छ । अब राष्ट्रिय पुँजीको विकास गर्दै समाजवादको तयारी गर्ने कार्यदिशा पार्टीमा सबै पक्षको कार्यदिशा भएको छ ।’

यद्यपि यो विधान महाधिवेशनमा पनि पार्टीको ठोस कार्यक्रम तयार पार्न नसकेको उनले बताए । उपमहासचिव भुसाल भन्छन्, ‘कार्यक्रमले पार्टीका सम्पूर्ण काम र त्यसमा नेता कार्यकर्ताको मूल्यांकन गर्ने आधार दिन्थ्यो । त्यो नहुँदा समृद्धि र समाजवाद नारा, चर्चा, छलफल र भाषणमा मात्र सिमित हुन्छ ।’

यो खबर पढेर तपाईलाई कस्तो महसुस भयो ?

Khusi
                                chhu

खुसी

Dukhi
                                chhu

दुःखी

Achammit chhu

अचम्मित

Utsahit Chhu

उत्साहित

Akroshit Chhu

आक्रोशित

प्रतिक्रिया

भर्खरै पुराना लोकप्रिय
Advertisment