१९ असोज, काठमाडौं। महानगरीय अपराध महाशाखाले अपहरण तथा शरीर बन्धक कसूरका अभियुक्तहरुलाई पक्रानउ गरेको छ ।
पक्राउ पर्नेमा मध्यपुर ठिमी नगरपालिका-६का ३७ वर्षीय धिरोज श्रेष्ठ र चाँगुनारायण नगरपालिका-१ सरस्वतीखेलकी २९ वर्षीया रसिला अवाल रहेकी छिन् ।
उनीहरुले २०७८ असोज १५ गते काठमाडौंको चन्द्रागिरी नगरपालिका-३, थानकोटमा डेरा गरी बस्ने निरमान बम्जनको श्रीमतीलाई जबरजस्ती डर त्रास देखाइ अपहरण गरी बन्धक बनाएको महानगरीय अपराध महाशाखाको आरोप छ ।
महाशाखाबाट खटिएको अनुसन्धानको टोलीले २०७८ असोज १७ गते पीडित बोम्जनको श्रीमतीलाई चाँगुनारायण नगरपालिका-१ सरस्वतीखेलस्थित रसिला अवालेको घरबाट उद्धार गरेको छ ।
उक्त घटनामा संलग्न श्रेष्ठ र अवालेलाई पक्राउ गरी काठमाडौं जिल्ला अदालतबाट आजै पाँच दिनको म्याद थपेर थप आवश्यक अनुसन्धानको लागि महानगरीय प्रहरी परिसर टेकूमा पठाइएको छ ।
प्रतिक्रिया 4