असन र न्युरोडमा निस्सासिँदो भीड (फोटो फिचर)

१९ असोज, काठमाडौं । हिन्दू नेपालीहरुको ठूलो पर्व दशैं नजिकिँदै गर्दा काठमाडौंको मुख्य बजार क्षेत्रमा अत्यधिक भीड देखिएको छ । काठमाडौंको असन, इन्द्रचोक, महावौद्ध, न्युरोड क्षेत्रमा किनमेल गर्न जानेको घुइँचो देखिएको छ ।

असन क्षेत्रको सडकमा ओहोर दोहोर गर्न पनि ठेलम ठेल गर्नुपर्ने स्थिति छ । यस क्षेत्रमा लुगाफाटो, भाडावर्तन, इलेक्ट्रोनिक सामानलगायत दैनिक उपभोग र विलासिताका सबैजसो सामान पाइने भएकाले किनमेल गर्न काठमाडौंमा सर्वसाधारणको रोजाइमा पर्ने गरेको छ ।