मूर्ति विसर्जन गर्ने क्रममा डुबेर एकजनाको मृत्यु

३१ असोज, बुटवल। रुपन्देहीमा देवी दुर्गाको मूर्ति बिसर्जन गर्ने क्रममा नदीमा डुबेर एकजना युवाको मृत्यु भएको छ।

जिल्लाको दक्षिणी क्षेत्रमा पर्ने कोटहीमाई गाउँपालिका–५ स्थित दानव नदी र तिनाउ नदीको संगमस्थल दुईमोहानमा डुबेर कोटहीमाई–४ का २१ वर्षीय अनिल चौधरीको मृत्यु भएको हो।

मूर्ति विसर्जन गर्न गएका युवाको शव गए राति अबेर भारतीय गोताखोरको सहयोगमा फेला परेको हो । सशस्त्र प्रहरी र नेपाल प्रहरीले शव फेला पार्न नसकेपछि भारतीय गोताखोरको सहयोग लिइएको थियो।

शवको भैरहवा भिम अस्पतलामा पोष्टमार्टम गरी आफन्तको जिम्मा लगाइएको जिल्ला प्रहरी कार्यालय रुपन्देहीले जनाएको छ । उक्त स्थानमा मूर्ति विसर्जनका क्रममा गत वर्ष पनि एक युवाको डुबेर मृत्यु भएको थियो ।