ए डिभिजन लिगको उद्घाटन खेलमा फ्रेण्ड्स र सातदोबाटो युथ भिड्ने

१२ कात्तिक, काठमाडौं । नेपालको शीर्ष श्रेणीको फुटबल लिग शहीद स्मारक ए डिभिजन लिगको खेल तालिका सार्वजनिक भएको छ । अखिल नेपाल फुटबल संघ (एन्फा) अन्तर्गतको लिग कमिटीले शुक्रबार ए डिभिजनका १४ क्लबका प्रतिनिधिको उपस्थितिमा टाइ सिट ड्र गरेको हो ।

यही कात्तिक २९ गतेदेखि हुने लिगको उद्घाटन खेलमा फ्रेण्ड्स क्लब र सातदोबाटो युथ क्लब भिड्ने भएका छन् । करिब चार महिना चल्ने लिगको उद्घाटन खेल फ्लड लाइटमा खेलाइने लिग कमिटीका निर्देशक सञ्जीव मिश्रले बताए । खेल बेलुका ५ बजे दशरथ रंगशालामा हुनेछ ।

यस्तै दोस्रो दिन हिमालयन शेर्पा क्लबले संकटा क्लबसँग खेल्नेछ । खेल एन्फा कम्प्लेक्समा १२ बजे शुरु हुनेछ । दोस्रो दिनै च्यासल युथ क्लब र थ्री स्टार क्लबीच दोस्रो खेल हुनेछ ।

यसपटक खेल खेलाईने स्थान समेत थपिने भएको छ । मिश्रले च्यासल मैदान पनि लिगका लागि प्रयोग गरिने बताए ।

लिगमा कुल १३ राउण्डमा ९१ खेल हुनेछ । पुस अन्तिममा ९ राउण्डसम्मको खेल सकाउने र त्यसपछि फिफा म्याच डे मा लिग को खेल नगर्ने मिश्रले बताए ।

लिग फागुन १४ गतेसम्म चल्नेछ । पहिलो दुई राउण्डको समय र खेल स्थान पनि सार्वजनिक गरिएको छ ।

पहिलो दिन एक खेल मात्र हुनेछ । त्यसपछि दैनिक दुई खेल हुनेछ । जसमा पहिलो खेल १२ बजे र दोस्रो खेल ३ बजे शुरु हुनेछ ।

यस्तै दोस्रो राउण्डमा एकै दिन ३ खेलसम्म खेलाउने तालिका छ । जसमा दुई खेल एकै समयमा राखिएको छ ।

ए डिभिजन लिग खेल्ने १४ क्लब

मछिन्द्र फुटबल क्लब

त्रिभुवन आर्मी फुटबल क्लब

मनाङ मर्स्याङ्दी क्लब

थ्री स्टार क्लब

नेपाल पुलिस क्लब

सशस्त्र एपीएफ