शाइन रेसुंगाले ११ प्रतिशत लाभांश दिने

१५ कात्तिक, काठमाडौं । शाइन रेसुंगा डेभलपमेन्ट बैंक लिमिटेडले लाभांश घोषणा गरेको छ । गत आर्थिक वर्ष २०७७/७८ को नाफाबाट शेयरधनीलाई बैंकले १०.९३ प्रतिशत बोनस शेयर र सोको कर प्रयोजनार्थ ०.५७ प्रतिशत नगद लाभांश वितरण गर्ने घोषणा गरेको हो ।

आइतबार अपरान्ह बसेको बैंकको सञ्चालक समिति बैठकले गरेको निर्णय अनुसार घोषित लाभांशबारे नेपाल स्टक एक्सचेञ्जलाई जानकारी गराइएको छ ।

अब राष्ट्र बैंकबाट स्वीकृत भएर साधारणसभाबाट पारित भएपछि शेयरधनीहरुले लाभांश पाउनेछन् ।