कालीगण्डकी नदीमा बेपत्ता युवकको गोताखोरमार्फत खोजी जारी

१९ कात्तिक, गुल्मी । गुल्मीमा कालिगण्डकी नदीमा नुहाउने क्रममा डुबेर बेपत्ता भएका युवकको शसस्त्र प्रहरी बल गुल्म गुल्मीले गोताखोर मार्फत खोजी कार्य जारी राखेको छ ।

गत कात्तिक १४ गते जिल्लाको चन्द्रको गाउँपालिका वडानम्बर–८ रुपाकोट बस्ने १९ वर्षका शंकर पौडेल नदीमा डुबेर बेपत्ता भएका थिए ।

सत्यवती गाउँपालिका वडानम्बर–१ रुद्रावेनीमा मलामी गएको बेला कालिगण्डकी नदीमा नुहाउने क्रममा डुबेर बेपत्ता भएका पौडेलको स्थनीय, नेपाल प्रहरी, सशस्त्र प्रहरी फेला पार्न नसकेपछि सशस्त्र प्रहरीको गोताखोर टोली झिकाइएको हो । गोताखोर मार्फत खोजी कार्य गरिएपनि फेला पार्न नसकिएको सशस्त्र प्रहरी बल गुल्म गुल्मीका प्रहरी नायव उपरिक्षक अशोककुमार लम्साल बताए ।