एलिना र आयुषको स्वरमा ‘नतड्पाउन’

गायक आयुष अर्याल र गायिका एलिना चौहानको स्वरमा ‘नतड्पाउन’ बोलको गीत सार्वजनिक भएको छ । यो गीतमा अलेक लामा र आयुषको शब्द तथा राहुल प्रधानको संगीत छ ।

रोमान्टिक शैलीको यो गीतको भिडियोमा सारा लोहोरुङ्ग र गायक आयुषको रोमान्स देख्न सकिन्छ । जनकदीप पराजुलीको निर्देशनमा तयार भएको यो भिडियोमा हरि हुमागाईंको छायांकन छ भने विकास धमलाले सम्पादन गरेका छन् ।