प्यूठान जिल्ला क्रिकेट संघ तदर्थ समिति गठन

२३ कात्तिक, काठमाडौं । प्युठानमा तेजबहादुर पुनको अध्यक्षतामा जिल्ला क्रिकेट संघ तदर्थ समिति गठन भएको छ । मंगलबार प्यूठानको जुम्रीमा भएको कार्यक्रमबाट ११ सदस्यीय जिल्ला क्रिकेट संघ तदर्थ समिति सर्वसम्मत चयन भएको हो ।

समितिको उपाध्यक्षमा सन्दीप श्रेष्ठ, सचिवमा जीवन खनाल र कोषाध्यक्षमा आशिष श्रेष्ठ चयन भएका छन् । सदस्यहरुमा महेन्द्र विक, उमेश घर्तीमगर, मिलन राना, गणेश गिरी, किरण बुढामगर, अमित थापा मगर र हुकुम परियार छन् ।

योसँगै प्यूठानलाई नेपाल किकेट संघ (क्यान) को जिल्ला सदस्यता पाउनको लागि बाटो खुलेको छ । प्यूठानमा ७ गाउँपालिका र २ नगरपालिका रहेका छन् । गतवर्ष प्रधानमन्त्री कप एक दिवसीय क्रिकेट प्रतियोगिताको लागि प्रदेशस्तरीय खेलाडी छनोट प्रतियोगितामा प्यूठानले दाङसँग तीन मैत्रीपूर्ण सिरिज खेलेको थियो ।