३० कात्तिक, काठमाडौं । अहिले इन्टरनेट जीवनको महत्वपूर्ण हिस्सा बनिसकेको छ । घर, अफिस वा कुनै सार्वजनिक स्थान नै किन नहोस् इन्टरनेट अनिवार्य जस्तै बनिसकेको छ ।
यस्तोमा यदि मानिशहरुलाई निशुल्क रुपमा इन्टरनेट सेवा प्राप्त भयो भने कसलाई पो खुसी नमिल्ला र ? हाम्रो देशका विभिन्न शहरमा पनि केही ठाउँमा निशुल्क वाइफाइ उपलब्ध रहेको पाइन्छ । तर संसारमा एउटा यस्तो शहर छ जहाँ सबै ठाउँमा नि:शुल्क वाइफाइ इन्टरनेट उपलब्ध छ । यो शहरमा सबैभन्दा धेरै नि: शुल्क वाइफाइ हटस्पट्स भएको शहरको रुपमा गिनिज बुक अफ वर्ल्ड रेकर्डस्मा नाम दर्ज गरेको छ ।
मेक्सिकोको राजधानी मेक्सिको सिटी संसारमा सबैभन्दा धेरै नि: शुल्क वाइफाइ हटस्पट भएको शहर बनेको छ । गिनिज बुक अफ वर्ल्ड रेकर्डस्ले गत नोभेम्बर १० मा मेक्सिको सिटीलाई किर्तिमानीको प्रमाणपत्र प्रदान गरेको हो ।
मेक्सिको सिटीमा हाल २१ हजार ५ सय वटा निशुल्क वाइफाइ हटस्पट छन् । गिनिज बुकका अधिकारी कार्लोस टापियाले मेक्सिको सिटीकी मेयर क्लाउडिया शेइनबाउमलाई गिनिज प्रमाणपत्र हस्तान्तरण गरे ।
झण्डै ९० लाख जनसंख्या भएको मेक्सिको सिटीमा सबैतिर मानिशहरुले नि:शुल्क रुपमा सार्वजनिक वाइफाइ प्रयोग गर्न पाउँदछन् । सार्वजनिक यातायातमा पनि वाइफाइ निशुल्क छ ।
मेयर शाइनबाउमका अनुसार घरमा इन्टरनेट जडान गर्न नसक्ने आर्थिक अवस्था भएका मानिशहरुका लागि समेत गरी सबैलाई इन्टरनेटमाथि पहुँच उपलब्ध गराउने आफ्नो लक्ष्य भएको बताइन् । एजेन्सीको सहयोगमा
प्रतिक्रिया 4