‘स्पाइडर म्यान : नो वे होम’को ट्रेलर सार्वजनिक

१ मंसिर, काठमाडौं । बहुप्रतीक्षित हलिउड फिल्म ‘स्पाइडर म्यान : नो वे होम’को ट्रेलर सार्वजनिक भएको छ । सोनी पिक्चर्सले अमेरिकाको लस एन्जसमा एक समारोहको आयोजना गरी ट्रेलर सार्वजनिक गरेको हो ।

फिल्ममा अभिनेता टम होल्याण्डसहित जेन्डाया, जेकब बाटालोन, बेनेक्डिट कम्बरब्याच, अफ्रेड मोलिना, जेमी फक्स, विलियम डाफोलगायतको अभिनय रहेको छ ।

ट्रेलर लञ्च कार्यक्रममा अभिनेता होल्याण्ड आफैं उपस्थित भएका थिए । उनले ‘स्पाइडर म्यान : नो वे होमलाई अहिलेसम्मकै उत्कृष्ट सुपरहिरो फिल्म भएको दाबी समेत गरे ।

यो फिल्म आगामी डिसेम्बर १७ देखि सिनेमा हलहरुमा प्रदर्शन हुनेछ ।