नेपाल विवेकशील पार्टी निर्वाचन आयोगमा दर्ता

५ मंसिर, काठमाडौं । नेपाल विवेकशील पार्टी निर्वाचन आयोगमा दर्ता भएको छ ।

कार्तिक ३० गते बसेको आयोगको बैठक अनुसार नेपाल विवेकशील पार्टी दर्ता भएको हो ।

पार्टीका अध्यक्ष कर्मा लामा तामाङको नेतृत्वमा २१ सदस्यीय तदर्थ संघीय समिति गठन भएको छ । यो पार्टीले चुनाव चिह्न कुकुर लिएको छ ।

यस्तै दलका संघीय पदाधिकारीहरूमा कर्मा लामा तामाङ-अध्यक्ष, अजीता राई – उपाध्यक्ष (प्रमुख, संगठन र रणनीति), छिरीङ तामाङ – सचिव, नीति, अनुसन्धान तथा विश्लेषण, संगीता बाटाजु -सचिव, प्रशिक्षण तथा क्षमता विकास, शशि विक्रम कार्की – सचिव, अभियान र सञ्जाल, विजय बाबु शिवाकोटी – प्रवक्ता (प्रमुख, सूचना तथा सञ्चार) रहेका छन् ।

संघीय समितिका अन्य सदस्यहरूमा विशाल बिक्रम निरौला, कृष्णदेव भण्डारी, साधना राई, किरन साह, सन्तोष घिमिरे, जमाल अली, मोहना मोथे खनाल, अन्जन निरौला, सुनीता बाटाजु, समिर वली, सतिष बाबु कार्की, आशीष राई, जङ्गे बहादुर कुँवर, अमृत विष्ट र लक्ष्मण श्रेष्ठ रहेका छन् ।