बैतडीमा जीप दुर्घटना हुँदा १० जना घाइते

२० मंसिर, धनगढी । बैतडीमा जीप दुर्घटना हुँदा १० जना घाइते भएका छन् ।

सोमबार साँझ पाटन बजारबाट सोही नगरपालिका-१ को सकारतर्फ गइरहेको से१ ज ८८८ नम्बरको जीप दुर्घटना हुँदा १० जना घाइते भएको प्रहरीले जनाएको छ ।

जिल्ला प्रहरी कार्यालयका प्रवक्ता प्रहरी निरीक्षक दर्शन खड्काले घाइतेहरूलाई उपचारका लागि प्राथमिक स्वास्थ केन्द्र पाटन ल्याउने काम भइरहेको जानकारी दिए ।

जीपमा चालकसहित ११ जना सवार रहेको भनिएपनि विस्तृत विवरण प्राप्त भइनसकेको खड्काले बताए । तर जीप चालक भने फरार छन् ।

जीप सडकबाट करीब एक सय मिटर तल खसेको छ भने दुर्घटनाको कारण खुलको छैन । घटनास्थल पाटन बजारदेखि करिब एक घण्टाको दूरीमा रहेको छ ।