धनगढीमा जसपाको प्रदेश कार्यालय स्थापना

२९ मंसिर, धनगढी । जनता समाजवादी पार्टी (जसपा)ले धनगढीमा पार्टीको सुदूरपश्चिम प्रदेश कार्यालय स्थापना गरेको छ ।

धनगढी उपमहानगरपालिका–२ स्थित मिलन चोकमा जसपाले पार्टी कार्यालयमा उद्घाटन गरिएको छ । जनता समाजवादी पार्टीकी कार्यकारिणी सदस्य एवं संगठन शुद्धिकरण अभियान सुदूरपश्चिम संयोजक दुर्गा सोबले पार्टी कार्यालयको उद्घाटन गरिन् ।

नेतृ सोबले मुलुकमा आर्थिक समृद्धिका लागि जनता समाजवादी पार्टी वैकल्पिक शक्तिका रुपमा उदाएको बताइन् । उनले नेपाली कांग्रेस र कम्युनिष्ट पार्टीबाट मुलुकमा विकास र समृद्धि नहुने भन्दै पार्टीलाई सुदृढ गर्दै देश विकासमा जुट्ने जनाइन् ।